• Контакт
• Галерија
• Најди книга
• За Читалната
• Почетна

Збогатете го
вашето знаење
ТУКА

Збогатете го
вашето знаење
ТУКА

Брзо пребарување

Брзо пребарување

Краток опис:

Канцер - Онколошки принципи и практика (Том 1 и Том 2) е книга од авторите Винсент Т. Де Вита, помладиот, Теодор С. Лоренс и Стивен А. Розенберг. Ова е осмо издание објавено во 2008 година, од Lippincott Williams&Wilkins. Овие два тома претставуваат целосен пакет на медицина на канцер на едно место кој им е многу потребен на лекарите. Книгата има четири дела. Првиот дел: Молекуларна биологија на канцерот содржи неколку подделови: концептуална рамка; геномика и протеомика; дестабилизација на канцерскиот геном; теломери, теломераза и клеточна имортализација; клеточна сигнализација; клеточен циклус; програмирана клеточна смрт; ангиогенеза; инвазија и метастазирање и канцерски матични клетки. Вториот дел: Принципи на онкологијата е посветен на: етиологијата (тутун, вируси, инфламација, хемиски и физички фактори, фактори од исхраната и дебелината и физичката активност); епидемиологијата; принципите на онкологијата (хируршка, радијациска и терапевтска); принципите на имунологијата; фармакологијата на хемотерапија за канцер и канцерски биотерапевтици; фармакологијата на ендокрина манипулација и на дизајнот и анализата на клиничките истражувања. Третиот дел: Онколошка практика опфаќа: превенција од канцер (тутун, хемопревенција, улога на хирургијата); генетско советување; скрининг за канцер; специјализирани техники за третман на канцер; ендоскопијата во третманот на канцерот; канцер на главата и вратот; канцер на белите дробови; неоплазми на медијастинумот; канцер на гастроинтестиналниот тракт и генитоуринарниот систем; гинеколошки канцери; канцер на дојка; канцер на ендокриниот систем; мекоткивни саркоми и саркоми на коската; бенигнен и малигнен мезотелиом; канцер на кожата; неоплазми на централниот нервен систем; канцери во детството; лимфоми; акутни и хронични леукемии; плазма клеточни неоплазми; паранеопластични синдроми; канцер со непозната примарна локализација; перитонеална карциниматоза; малигноми поврзани со имуносупресија; итни случаи во онкологијата; метастатски канцер; трансплатација на матични клетки; инфекции кај пациентите со канцер; негативни ефекти од третманот; супортивна нега и квалитет на живот; рехабилитација; социјални прашања и информациски системи  во онкологијата; комплементарни, алтернативни и интегративни терапии. Четвртиот дел: Понови пристапи во лекувањето на канцерот посветен е на генетската терапија; имунотерапијата; фокусиран ултразвук; инхибиција на RNA; терапија со забрзани честички;  роботска хирургија и нанотехнологија.